Kantagol (30-04-2010)

30 di aprel, aña di Lareina a tuma lugá na Wilhelmina Park e evento di “Kanta Gol”. Un total di 9 kliente bon prepará a duna un tremendo show.

Hopi tabata esnan ku tabata gosando di e ambiente di aña Lareina den Punda i a presensiá e tremendo kompetensia aki. Huradonan sr. Mau Maria, sr. Gonzalo Cuales i sr. Mirco Colina realmente tabata tin un trabou super difísil pa skohe e tres ganadónan.

Na di tres lugá a resultá sra. Johanna Curiel kende a gana un Moneycard di $ 100,-- i Sr. Eugene Huybregts a sali number dos i a risibí su Moneycard di $ 150,--. Ganadó apsoluto a resultá sra. Korra Pietersz kende huntu ku su grupo a duna un tremendo show kon tin ku kanta gol.
Sra. Pietersz a bai kas ku e premio grandi ku ta konsistí di 1 tv flatscreen di 50 inch plùs un fiesta ku tur kos di kome i bebe pagá pa 30 hende sinta i disfrutá di e final di Mundial Fifa 2010 na su kas.