MCB ta rekonosé importansia di hóbennan den negoshi

• Marshe pa Empresario
• Chamber of Commerce
• Stimul IT
• Korpodeko
• ADECK

1) Na ki momentu i pa kua motibu ta pidi garantia?
Dependé di e tipo di krédito i e suma enbolbí ku e krédito ta trese kun’é. En general aktivo koriente manera resibu pa kobra i inventario, por sirbi komo garantia pa krédito operashonal. Sinembargo aktivo fiho manera makinaria, ekipo i propiedat inmobil, ta pa garantisá krédito pa tempu largu. Esaki lo ser evaluá riba kada kaso spesífiko. Dependiendo di e riesgonan enbolbí i e situashon finansiero di e empresa, nos lo evaluá si mester tuma garantia, ki tipo di garantia i tambe pa ki montante. Un motibo pa pidi garantia ta ku bankeronan ta gusta pa e komersiantenan òf doñonan ta dediká na nan empresa i esei por trese kun’é ku banko por pidi garantianan personal òf otro forma di garantia (por ehèmpel manera hipotek riba un propiedat). Esaki ta sirbi komo prueba ku e doño mes ta kere den éksito di su empresa. Semper ta bon pa diskutí un ke otro riba e posibilidatnan ku nos ta menshoná ariba huntu ku un Account Manager.

2) Kon largu e término di un fiansa por bai?
Tur kos ta dependé kiko eksaktamente e propósito di e finansiamentu ta. Por ehèmpel si ta pidi un fiansa pa kumpra un vehíkulo nobo pa un empresa, nos lo por finansiá esaki te ku un máksimo di 5 aña. Pa kompra òf konstrukshon di edifisio òf pa kompra di ekipo i/o makinaria (dependé bou di ki situashon) por apliká un término mas largu i flèksibel. Tur kos ta dependé di e sirkunstansia di e propósito di e fiansa i naturalmente tambe di e kondishon finansiero di e kompania pa si esaki ta alkansabel pa karga ku término i altura di e fiansa. Hecho ta ku tin espasio sufisiente pa por deliberá i evaluá tur posibilidat den konsulta ku Bo Account Manager.

3) Tin posibilidat pa paga akselerá i sin gastu adishonal?
Sí, e posibilidat pa paga akselerá aki tei i sin gastu adishonal.

4) Kon largu ta tuma promé ku mi por risibí un kontesta?
Por duna un kontesta relativamente rápido si nos ta disponé di TUR informashon relevante pa e petishon di krédito. Generalmente si tur informashon ta kompletu i entregá na nos, nos por reakshoná denter di un término di 3 dia di trabou.

5) Kiko ta e diferensia entre ‘own input’ (equity) i garantia?
Suma di invershon (equity) di doño, ta e parti di invershon ku e propietario ta husa for di su propio fondonan, ku Bo por konsiderá komo un invershon ku lo por kore riesgo si e negoshi no resultá manera a spera. Falta di sufisiente equity den un negoshi por keda remplasá dor di garantia òf bòrg di pafó i bienesnan inmobil privá.