Auto Show 2008

Na e super eksitoso Autoshow 2008 Bo Banko Amigu realmente a pone atenshon na e koló; Maduro & Curiel's Bank den koperashon ku Autocity a sòru pa tabata tin un outo Hybrid stashoná na Autoshow kaminda tur hende por a buska mas informashon tokante e outo aki ku ta kore riba koriente tambe. Tur bishitante di Autoshow 2008 a risibí un "energy savings light bulb" pa nan sigui hasi uso òf kuminsá hasi uso di "energy savings light bulb" i asina kada persona yuda spar energia ku e meta pa nos tin un mihó medio ambiente. Na apertura di Autoshow 2008 Presidente di Maduro & Curiel's Bank, Chicu Capriles, a hasi entrega di un buki titulá "Pensa Blou, Pensa Bèrdè" na Scouting Antiano. Esaki ta un buki produsí pa Scouting Antiano i di spònser pa Bo Banko Amigu ku ta kontené hopi informashon balioso i importante kon pa spar energia i kuida nos medio ambiente.