Security Center / Kon nos ta protehá abo

Ora bo usa MCB su servisionan bankario, bo ta den un ambiente sumamente sigur, ku un nivel haltu di protekshon i ku ta kumpli ku norma di seguridat hopi estrikto válido pa institutonan finansiero. Nos ta tuma medida estrikto pa garantisá seguridat di bo transakshonnan finansiero i konfidensialidat di bo informashon.

 


 

Kon nos ta protehá abo Kon abo por protehá bo mes

 


Seguridat Online

Hasi bo transakshonnan bankario online (elektróniko) ku konfiansa. MCB ta usa teknologia avansá pa yuda protegá bo kontra froude.

 

Protekshon di bo informashon
MCB ta usa e siguiente téknikanan pa salvaguardá bo datonan ora bo ta hasi bo diligensianan bankario online:

  • Kriptografia (encryption) di 128 bit– Ora bo aksesá bo kuentanan i hasi transakshon via Online Banking, un persona no outorisá no por lesa bo datonan pasó nos ta protegá e datonan usando kriptografia di 128 bit.
  • Outentikashon adishonal – Ora bo login na MCB Online Banking, sea via un ‘desktop’ òf un aparato móbil, semper nos ta pidi’bo prueba èkstra, por ehèmpel di e-Pass, Digital Certificate, òf un Soft òf Hard Token, pa verifiká ku bo tin outorisashon.
  • Último fecha/ora di login – Kada bes ku bo login na MCB Online Banking, nos ta mustra’bo e fecha i ora di bo último login. Esei ta sirbi komo aviso ku tabatin un akseso no outorisá na bo kuenta si bo sa ku bo no a login na e momento ei.
  • Sertifikado SSL ku Validashon Ekstendé (VE) – E browsernan di mas nobo ta ofresé un funshon èkstra di seguridat: e bara di adrès ta bira bèrdè ora bo ta riba un di e páginanan di MCB Onnline Banking*, pa mustra’bo ku e komunikashon entre bo browser i e wèpsait ta kriptografiá i ku e instansia ku ta emití sertifikado a konfirmá ku e doño òf operadó di e wepsait ta un empresa establesé legalmente den e hurisdikshon menshoná den e sertifikado i riba e bara di Security Status.
  • Firewall di seguridat – Tin un kantidat di firewall ta protegá e servernan di kòmpiuter ku tur wepsait di MCB ta riba dje, blòkiando akseso no outorisá na nos ret i MCB ta vigilá nan bon pa no tin violashon di seguridat.
  • Timeout di seshon – Si bo login na Online Banking i keda un ratu sin hasi nada riba dje, bo seshon lo terminá outomátikamente (timeout). Pa bo sigui traha ku Online Banking, lo bo tin ku login di nobo.
     

 

* Den e lunanan benidero, MCBDirect Corporate lo kuminsá traha ku SSL VE.
 

 

 


Seguridat móbil

Ora bo usa MCB Mobile, e siguiente medidanan di seguridat ta protehá bo datonan.

 

Protekshon di bo informashon

  • Ora bo usa MCB Mobile, bo kuentanan ta protehá mediante kriptografia di 128 bit, meskos ku ora bo ta usa Online Banking.
  • Pa bo login na MCB Mobile, bo ta usa e mesun ID di usuario i kódigo di akseso (password) ku pa aksesá bo kuentanan riba MCB Online Banking.
  • Ora bo login na MCB Mobile, semper nos ta pidi bo duna nos outentikashon adishonal, por ehèmpel ku un e-Pass.
  • MCB Mobile no ta warda informashon di kuenta personal riba smartphone i tablet. Pues, si un hende hòrta bo telefòn, bo kuenta di banko no ta den peliger.
     

 

Baha e Mobile App sin peliger
MCB su Mobile Apps ta disponibel solamente via Apple App Store i Google Play. Ora bo ta bai baha e Mobile App di MCB riba bo telefòn òf tèblet, wak bon pa bo hasié solamente for di un di e sitionan di konfiansa akí i no for di niun otro fuente.
Ademas, promé ku bo baha un app, paga tinu ta ken a trah’é. MCB lo no pidi bo baha niun app ku no ta MCB mes a traha.
No ‘root’ ni ‘jailbreak’ bo telefòn òf tèblet (esta, no kita e restrikshon ku ta blòkia instalashon di sierto software) pa asina evitá e limitashonnan ku bo kompania di telekomunikashon òf e fabrikante di bo aparato a fiha. Si bo hasié, e medidanan di protekshon instalá riba bo aparato pa defend’é kontra e peligernan ku ta eksistí pa e tipo di aparatonan móbil ei lo no funshoná mas.

 


 

Kon nos ta protehá abo Kon abo por protehá bo mes