FuelUp

Pronto klientenan por paga ku tarheta nobo Bankomatiko+ na nos terminalnan di FuelUp.Ku introdukshon di nos tarheta Bankomatiko+ (Mastercard Debit), a bin algun kambio positivo. Nos tarheta di débito Bankomatiko+ ta wòrdu aseptá na mas pais rònt mundu kompará ku nos tarheta aktual di Bankomatiko/Maestro, i tambe ta hasi posibel pa kumpra online.Na e momentunan aki nos ta den un periodo di upgrade na nos terminalnan di FuelUp pa introdusí un mashin mas modèrno ku ta aseptá nos tarheta Bankomatiko+. Nos ekspertonan ta trahando duru pa pronto nos klientenan por hasi uso di nos tarheta Bankomatiko+ na terminalnan di FuelUp, manera kustumbrá. Mientras esaki ta tuma lugá por hasi uso di e siguiente maneranan alternativo pa paga na pòmp di gasolin.

Bo tarheta di Bankomatiko+ ta wòrdu aseptá na tur kahera na pòmpstashonnan na Kòrsou via e terminal di pago (POS).

Tuma nota ku por sigui hasi uso di tarhetanan di Kompa Leon (ku ta aktivá pa esaki) na nos terminalnan di FuelUp, dunando èkstra benefisio dependiendo kua tarheta di Kompa Leon e kliente tin (Kompa Leon Fun Miles, Kompa Leon AA òf Kompa Leon cashback). Esaki ta algun solushon i alternativa di pago ku nos klientenan por hasi uso di dje na pòmp di gasolin, mientras nos ta sigui traha riba mas di e mihó.

FuelUp ta un servisio pa kumpra gasolin òf gasoil 24/7, ku tarheta di Kompa Leon òf Bankomatiko/Maestro na pòmp di gasolin, sin intervenshon di un kahera. FuelUp ta un servisio rápido, konfiabel, inovativo i fásil pa e kliente.

Ku e sistema di FuelUp e kliente no mester bai na kahera mas. E kliente ta bai na e pedestal di FuelUP mas serka di su outo, hinka su tarheta di Bankomatiko/Maestro di MCB òf su tarheta di Kompa Leon, skohe number di pòmp, hinka montante i PIN den kaso ku ta Maestro. Unabes e transakshon ta aprobá, FuelUp ta konektá direktamente ku e sistema di e negoshi i e pòmp ku e kliente a indiká. Den un tempu rèkort bo por yena gasolin òf gasoil na balor di e montante deseá. Na final di e proseso e kliente por imprimí su komprobante na e pedestal di FuelUp.

E sistema akí ta hasi e proseso di transakshonnan di tarheta bai mas lihé i sigur.

Por hasi uso di FuelUp na:

• Pòmp di gasolin Barber
• Pòmp di gasolin Pablo Frederick Service Center (Saliña)
• Dempel Service Center (Punda)
• Tera Kora Service Center
• Buena Vista Service Center
• Pòmp di gasolin 24 Uur uit de Muur (Santa Maria)
• Pòmp di gasolin Grand Central (Pater Eeuwensweg)
• Service Center Cas Cora
• Erven HJ Scheidelaar (Roodeweg)
• Pòmp di gasolin New Century (Hanenberg)
• Pòmp di gasolin Emmastad
• Pòmp di gasolin Jeannette Service Center (Parera)
• Curacao Yacht Club
• Curoil Colon
• Curoil Kas Chikí
• Curoil Muizenberg
• Curoil Santa Rosa
• ISA JD Service Station (Juan Domingo)
• ISA Service Station (Schottegatweg)